Presidenti francez Emmanuel Macron, gjatë një fjalimi televiziv mbrëmjen e djeshme, u shpreh se dëshiron që katedralja Notre Dame të rindërtohet në kohën që Parisi organizon Olimpiadën Verore në vitin 2024.
“Ne do të rindërtojmë Notre Dame edhe më të bukur dhe unë dua që ajo të përfundojë në pesë vjet, ne mund ta bëjmë atë”, deklaroi Macron.
Mirëpo, pavarësisht premtimeve të Macron, ekspertët mendojnë se rindërtimi i saj mund të zgjasë disa dekada, ndërsa prokurori publik i Parisit, Rémy Heitz theksoi se kjo ngjarje po trajtohet si aksident, pasi nuk ka ndonjë shenjë të qartë të zjarrvënies.
Ditën e hënë ndërtesa historike 850-vjeçare u përfshi nga flakët, duke shkrumbuar pjesën më të madhe të kulmit të saj që shkaktoi edhe rënien.
