Ish-deputeti Spartak Braho, ishte ai i cili paralajmëroi për vrasjen e Alibeajt. I ftuar ditën e sotme në emisionin “Breaking” në Top News, ka komentuar protestën e 8 janarit të ish-kryeministrit Sali Berisha dhe mbështetësve të tij. Braho iu rikthye edhe një herë paralajmërimit të bërë më herët se Alibeaj në protestën e 8 janarit mund të vritej nga protestuesit. Ai tha se falë paralajmërimit të tij, Alibeaj shpëtoi.
“Shpëtoi se do e hante pas qafe. Nuk ndodhi se u paralajmërua. U gëzova se nuk pati viktima, por nuk u gëzova e gjithë mediat ndërkombëtare e dënuan gjestin dhe veprimet. Madje nominalisht zoti Escobar u shpreh për këtë gjë.
Ishte një paralajmërim i bërë nga unë, por jo në kokën time. Sinjalet e shërbimeve partnere në këtë përfundim të çonin. Unë jam i hershëm në politikë. Sinjali ishte larg nga zjarri, dhuna apo masakra që mund të ndodhte në këtë rast. Dy minuta të kishte vazhduar më tej, ata nuk hynë brenda dhe nëse do të kishin hyrë nuk do të kishte seleksionim të tipit ti po dhe ti jo. Por ende nuk ka një perceptim të plotë se çdo të ndodhte. Nuk ka arsye pse të merremi me fjalët e Flamur Nokës, budalla komplet”, tha Braho.
Ish-deputeti i PS-së Spartak Braho surprizoi me deklaratën e tij, se në protestën e Sali Berishës më 8 janar do të vritej deputeti Enkelejd Alibeaj. Pas deklaratës së Spartak Brahos, deputeti Enkelejd Alibeaj u morr në mbrojtje nga Garda e Republikës gjatë protestës së 8 janarit, ndërsa mbështetësit e Berishës u shfaqën me vare e çekiçë në duar duke shqyer dyert, por që më pas u shpërndanë nga policia duke normalizuar situatën.
