Pas seancës së parë të sesionit të ri parlamentar, kryetari i Kuvendit, Gramoz Ruçi, ka folur për objektivat për sesionin e ri. Teksa ka komentuar edhe deklaratat e opozitës dhe të kreut demokrat Basha për “marrëdhënie të kushtëzuar me Kuvendin”, Ruçi u tha gazetarëve se ai në karrierën e gjatë politike i ka provuar të dy rrugët e luftës politike, qoftë brenda Kuvendit, qoftë jashtë tij.
Referuar eksperiencës, kreu i Kuvendit u shpreh se më efektive i ka rezultuar përballja brenda Kuvendit.
“Brenda Kuvendit është me efektive lufta”, tha Gramoz Ruçi.
Ruçi foli edhe për mundësinë e djegieve të mandateve nga ana e opozitës. Në lidhje me këtë çështje, ai u shpreh se në vendin tonë kjo nuk ka ndodhur asnjëherë, por shtoi se gjithmonë ka një herë të parë, dhe kjo rrugë ekziston në sisteme demokratike.
