Djali i kantautorit Pirro Çako, e sopranos me famë botërore Inva Mula, prej vitesh jeton në Paris. Nuk kishte si të ndodhte ndryshe, ku Anthony Çako të mos trashëgonte pasionin për muzikën.
Tashmë falë rrjeteve sociale mund të mësojmë më shumë rreth jetës së personazheve të botës së show-bizzit e jo vetëm. Përmes opsionit “Pyetje-Përgjigjie” në Instagram, Anthony Çako ka shpjeguar titullin e këngës së tij të parë “Alive”, e cila ka një domethënie.
“Ka një histori për të qeshur rreth këtij emri. Nuk kisha asnjë titull për këngën, deri sa unë me përfaqësuesit e shtëpisë diskografike udhëtuam jashtë për të regjistruar videon. Kur u kthyem nga udhëtimi, avioni për pak u përplas, kështu që vendosëm ta quanim këngën ‘Alive’ (gjallë)”, ka shkruar ai.
