U bë një kohë e gjatë që këngëtarja e njëkohësisht aktorja Selena Gomez, ka shfaqur probleme me shëndetin. Madje ajo kohët e fundit po rikuperohet, e ndërsa projektet i ka lënë pas dore.
Selena Gomez u shtrua në spital në fund të shtatorit, pasi kishte probleme shendetësore me numrin e qelizave të gjakut që lidhej me transplantin e veshkave të saj në 2017. Selena donte të largohej nga spitali, por mjekët nuk e lejuan, pasi shëndeti i saj nuk po përmirësohej.
Sipas burimeve të “Hollywood Life”, Selena po përmirësohet dhe ndihet mirë sërish pas shtrimit në spital. Një burim ka thënë se ajo ka përmirësime të ndjeshme, por nuk mund ta lërë spitalin tani.
“Megjithëse ka përmirësime, trupi i saj vazhdon të jetë i brishtë, dhe ajo ka frikë se gjithmonë do të brengoset për një nga çështjet e shumta shëndetësore që e shqetësojnë. Por në këtë moment ajo ndihet shumë më e fortë, më e shëndetshme dhe më e lumtur. Selena ka mësuar se duhet të vendosë shëndetin e saj mbi çdo gjë tjetër”.
