26 tetori është futur në historinë e Interit, pasi Steven Zhang, djali i pronarit të zikaltërve Jindong Zhang, është zgjedhur presidenti i ri i klubit në vend të indonezianit, Erick Thohir. 26-vjeçai është bërë presidenti më i ri në historinë e Interit. “Objektivi është të bëhemi klubi më fitues, modern e inovativ në botë”.
Megjithatë, Zhang i ka besuar faqes zyrtare të Inter fjalët e tij të para si president zikaltër: “Jam shumë krenar sot që mund të udhëheq këtë klub drejt një epoke të re. Ndjej përgjegjësinë që të kënaq pasionin e miliona tifozëve të shpërndarë në të gjithë botën dhe jam mëse gati që të pranoj sfidën të imponon nominimi president, në 110 vjetorin e këtij klubi prestigjioz. Dua ta bëj Interin klubin më të mirë në botë, ta dërgoj në elitën e futbollit botëror”, deklaroi Zhang në fjalët e para që tha pas marrjes së postit të ri.
Në fjalën e tij, Zhang foli edhe në lidhje me thashethemet mbi një marrëveshje të arritur për afrimin te Inter të Marotta-s, që tashmë është larguar nga Juventus, teksa ka mohuar gjithçka duke thënë se akoma nuk ka marrëveshje: “Nuk ka patur asnjë kontakt me Marotta. Në këtë moment, asgjë që ka qarkulluar nuk është e vërtetë. E vërteta është që nuk kam bërë kurrë asnjë marrëveshje me atë”.
E ardhmja është e ardhme, nuk mund të dihet se çfarë do të ndodhë. Nëse do të ketë shanse për t’u shfrytëzuar me qëllim përmirësimin e kësaj skuadre në fushë dhe jashtë saj, atëherë ne do t’i marrim në konsideratë, pavarësisht emrave specifik”.
