Shteteve të Bashkuara të Amerikës kanë dërguar urimet për Shqipërinë me rastin e 106 vjetorit të Pavarësisë me anë të sekretarit Pompeo. Me anë të një deklarate ai ka vlerësuar përkushtimin e Shqipërisë në arenën ndërkombëtare si aleat i SHBA-së dhe e përgëzon për përpjekjet e vazhdueshme në reformën në drejtësi.
Fjala e plotë e sekretarit Mike Pompeo:
Në emër të qeverisë së Shteteve të Bashkuara dhe popullit amerikan, dërgoj urimet për popullin shqiptar teksa feston Ditën e Pavarësisë.
Ndërsa shënoni 106 vitet tuaja të pavarësisë, ne në Amerikë festojmë dhe vlerësojmë miqësinë tonë të qëndrueshme me Shqipërinë. Shtetet e Bashkuara e vlerësojnë përkushtimin e Shqipërisë në NATO dhe në Koalicionin Botëror për Mposhtjen e ISIS, gjë të cilat kontribuojnë në stabilitetin dhe paqen në botë. Ne përgëzojmë qeverinë e Shqipërisë për përpjekjet e vazhdueshme në reformën në drejtësi dhe ndërtimin e institucioneve të forta demokratike, si dhe mbështesim hapat e Shqipërisë drejt integrimit perëndimor,
Shtetet e Bashkuara janë krenare për lidhjen e fortë midis popujve tanë dhe mirëpresim partneritetin dhe bashkëpunimin midis vendeve tona për shumë vite që do të vijnë.
