Ditëlindjes së 27-të të Rilindjes Demokratike nuk ka mundur t’i rezistojë edhe presidenti i Republikës, Ilir Meta. Me anë të një statusi në Facebook, Meta i ka uruar gazetës së parë opozitare në Shqipëri jetë të gjatë dhe suksese në vijimësi.
Nga qyteti i Korçës, presidenti Meta shkruan “Sot në 27-vjetorin e gazetës së parë opozitare “Rilindja Demokratike” i uroj nga Korça, shumë suksese e jetë të gjatë”.
Në 27-vjetorin e gazetës së RD-së, ishin të pranishëm kontribuues të saj në vite, ndërsa nuk munguan edhe kritikët e Bashës të cilët shtrënguan duar dhe përgëzuan njëri-tjetrin në këtë ceremoni. Në takim ishin të pranishëm politikanë dhe gazetarë, ndërsa përfaqësuesit e Partisë Socialiste nuk ishin të pranishëm.
