Është ndarë nga jeta përgatitësi i njohur atletik, Gjergji Poloska.
Kolegu i tij, Fatjon Tafaj, i cili aktualisht është në stafin teknik të Kukësit, shkroi në faqen e tij zyrtare në Facebook: “Qofsh i xhenetit, profesor Gjergji!”
Poloska ka punuar për disa klube të njohura në Shqipëri dhe shumë vite ka bashkëpunuar me trajnerin Ernest Gjoka, i cili e kërkonte në çdo klub ku drejtonte.
Poloska ka qenë pjesë e stafit teknik të Vllaznisë, Flamurtarit dhe Kukësit.
Gjithashtu, edhe Klodian Duro kur mori drejtimin e Kukësit kërkoi që Poloska të ishte pjesë e stafit të tij, pasi profesor Gjergji, ishte një ndër më të mirët, shkruan “abcnews.al”.
