Ikona e muzikës shqiptare, Nexhmije Pagarusha, mbylli sytë përgjithmonë në moshën 86-vjeçare. Pasuria artistike që la pas, e bën të paharrueshme.
Për të respektuar figurën e saj, Kosova ka shpallur 9 shkurtin ditë zie dhe flamuri do të ulet në gjysmë shtizë në të gjitha institucionet.
Këngëtarja e madhe do të përcillet sot për në banesën e fundit, ashtu siç e la amanet.
Familjarët do e dërgojnë trupin e saj në vendlindje, në Pagarushë dhe pjesë do të jenë një numër i vogël njerëzish.
Këtë të dielë, flamuri do të ngrihet gjysmështizë në të gjitha objektet shtetërore të Republikës së Kosovës, brenda dhe jashtë vendit.
Ajo është konsideruar si “Baresha” e këngës shqipe, me këngën që mban të njëjtin titull, kompozuar nga bashkëshorti i saj, Rexhep Mulliqi, duke i dhënë jetë melodisë edhe tingujve, por edhe duke sfiduar vitet.
