Çfarë ka ndodhur në ditën e tetë të pushtimit rus të Ukrainës:
Në Kiev:
Katër shpërthime të mëdha në orët e fundit janë kapur në video nga dëshmitarët, por është e paqartë se cilat ishin objektivat, nëse kishte viktima.
Korrespondentët e BBC thonë se shpërthimet mund të dëgjoheshin nga dy kate nën tokë në bunkerin e tyre.
Një zyrtar i mbrojtjes amerikane thotë se një kolonë masive me automjete ushtarake ruse pranë Kievit ka “ngecur”, për shkak të mungesës së karburantit dhe ushqimit.
Në jug:
Sipas zyrtarëve lokalë, forcat ruse kanë marrë kontrollin e qytetit port kyç të Khersonit. Është qyteti i parë i madh ukrainas që është pushtuar që nga fillimi i luftës. Në qytetin port të Mariupolit, qindra njerëz dyshohet se kanë vdekur pas disa orëve të granatimeve të vazhdueshme, tha nënkryetari i bashkisë së qytetit. Ushtria e Ukrainës pretendon se qyteti mbetet në duart e Ukrainës.
Në verilindje:
Gjithashtu ka pasur granatime të rënda të qytetit të dytë të vendit, Kharkhiv.
Në zhvillime të tjera:
Presidenti ukrainas Volodymyr Zelensky publikoi një video, duke lavdëruar guximin e qytetarëve në mbrojtjen e vendit të tyre.
Më shumë se një milion njerëz janë larguar tani nga Ukraina që nga fillimi i pushtimit, thotë OKB, me numrin në rritje të shpejtë.
Një hetim mbi krimet e mundshme të luftës në Ukrainë është nisur nga Gjykata Penale Ndërkombëtare në Hagë.
Rusia ka pranuar për herë të parë se ka patur viktima gjatë sulmit të saj në Ukrainë, me 498 trupa të vrarë dhe 1597 të tjerë të plagosur.
Burimi i lajmit: BBC. Përshtatur nga Tirana Today
