Ambasadori i BE-së në Shqipëri, Luigi Soreca në kuadër të ditës Evropiane ka zhvilluar një takim me disa të rinj shqiptarë.
Në fjalën e tij, Soreca u kërkoi të rinjve që të mos heshtin, ndërsa tha i bindur që struktura që drejton kërkon të jetë një mënyrë që zëri i të rinjve të dëgjohet.
“Shifrat flasin vetë. 40% nën 25 vjeç; 25% nën moshën 15 vjeç. Prandaj jemi përqendruar tek të rinjtë. E kemi përgatitur këtë javë se donim që të bënim një sërë organizimesh që të dëgjonim mendimet tuaja për BE dhe integrimin, por edhe sesi ju jepni kontributin që Shqipëria të përmirësohet. Një nga mesazhet është që të sigurohemi, jo vetëm nevojat tuaja elementare, por edhe zëri juaj të dëgjohet. Sot do të fillojmë një proces që të kemi një dialog të strukturuar me njëri-tjetrin. Thjesht duam të mbështesim atë strukturë që zëri juaj të dëgjohet”, tha Soreca.
Ndërkohë, i pranishëm në këtë aktivitet ka qenë dhe ambasadori i Austrisë në Shqipëri, Johann Sattler, i cili u bëri thirrje të rinjve të mos mendojnë vetëm për të emigruar, por se sit ë përmirësojnë vendin, ndërsa shtoi se Shqipëria është një vend i bekuar.
“Nuk ka organizime nga të rinjtë. Qarkullim elitash në Shqipëri nuk ka. Mos mendoni thjesht të emigroni, por si mund të përmirësoni këto gjëra që keni. Shqipëria është vend i bekuar. Keni potencial të madh”, u shpreh Sattler.
