Teksa kanë hyrë në ditën e 8-të të grevës së urisë, gjendja shëndetësore e naftëtarëve të Ballshit po përkeqësohet.
Mësohet se 4 prej tyre kanë pasur komplikacione gjatë natës, dhe është njoftuar urgjenca e Ballshit për t’u dhënë ndihmë mjekësore.
Naftëtarët shprehen se nuk do heqin dorë nga kërkesat e tyre, edhe pse nuk ka reagim nga qeveria.
Ata kërkojnë që kryeministri Edi Rama t’u japë një zgjidhje, por deri më tani asgjë nuk ka ndidhur.
Janë rreth 900 naftëtarë të cilët prej dy vitesh kërkojnë marrjen e pagave të prapambetura dhe kërkojnë rinisjen e punës në uzinë.
