“Një fjalim i mirë duhet të jetë si fustani i një gruaje: mjaftueshëm i gjatë për ta mbuluar subjektin dhe mjaftueshëm i shkurt për të zgjuar interes,” thoshte Winston S. Churchill.
Të shkruash një fjalim nuk është e thjeshtë, për vetë rëndësinë që fjala në vetvete mbart. Me përcaktimin e disa objektivave të qarta përpara se të filloni të shkruani do ta keni më të lehtë për të gjykuar ecurinë logjike të fjalimit apo suksesin tuaj përpara publikut. Para se të uleni të shkruani, ju do keni aftësinë për të gjykuar më qartë, suksesin e fjalimit tuaj të cilin po shkruani.
-Në fazën paraprake të shkrimit të një fjalimi publik, duhet të keni një plan pune.
- Duhet të bëni një përzgjedhje të njerëzve apo fakteve që do t`u ndihmojnë në shkrimin e fjalimit.
- Duhet të rendisni temat dhe nëntemat me argumentet përkatës.
- Gjuha e përdorur në shkrim të mos jetë e komplikuar dhe t`i përshtatet atij që do të lexoje fjalimin tuaj
Të respektohet auditori duke pasur parasysh të mos lodhet, të mos shpërfillet, të jetë aktiv. Fillimisht do të shohim strukturën e një fjalimi dhe më pas konceptin e mesazhin kyç ose temën e fjalimit.
Shkrimi një fjalimi publik nis me një skicë fillestare. Më pas me zgjerimin e argumentit dhe shkrimin e plotë e më pas variantin përfundimtar.
