“Kërcënimeve të Serbisë i përgjigjemi si para 19 viteve, me pushkë”, ka deklaruar presidenti i Kosovës, Hashim Thaçi të cilat nuk i kanë pëlqyera aspak homologut të tij serb.
Presidenti i Serbisë, Aleksandër Vuçiç ka thënë se shteti serb është i interesuar vetëm për paqe, kurse Thaçi le të përmend armët.
“Nuk më pëlqen të merrem me armë, nëse Thaçi dëshiron le ta bëjë. Por jo pushkët që shkatërruan Serbinë. E jona është të kemi politikë të paqes”-tha presidenti serb, transmeton lajmi.net. Ai ka kërkuar reagim edhe nga komuniteti ndërkombëtar.
“Disa nga komuniteti ndërkombëtar duhet të pyeten se çfarë mendojnë, pse u sulmua Serbia në vitin 1999. Sa për mua, unë nuk merrem me armë, e nëse i pëlqen Thaçit ai le të vazhdojë, por jo me avionët që e shkatërruan Serbinë- tha me tej presidenti i Serbisë.
Deklarata e presidentit të Kosovës sot nxiti reagime edhe nga zyrtarët tjerë serbë. Gjuric tha se deklaratat e tilla ndjellin urrejtje dhe luftë.
