Një diplomat i lartë amerikan ka thënë se përfshirja e vendit të tij në Afganistan, “nuk do të përfundojë” më 31 gusht, afati i evakuimit që ka vendosur Joe Biden.
Ross Wilson, ushtruesi i detyrës së ambasadorit amerikan në Afganistan, i tha ‘CBS News’ se angazhimi i Amerikës ndaj qytetarëve të saj dhe stafit afgan do të vazhdojë “me talebanët dhe çfarëdo forme qeverisjeje që merr ky vend”.
Z. Wilson tha gjithashtu se qeveria amerikane kishte lëshuar paralajmërime të përsëritura, duke u thënë amerikanëve të largoheshin nga Afganistani “menjëherë”, secili mesazh në terma më të fortë.
“Asnjëherë në 40 vitet e mia të punës në departamentin e shtetit, nuk kam parë një gjuhë kaq të fortë të përdorur”, tha ai.
“Njerëzit zgjodhën të mos largoheshin, ky është biznesi i tyre, kjo është e drejta e tyre. Na vjen keq tani që shumë mund ta gjejnë veten në një pozicion në të cilin ata nuk do të preferonin, dhe ne jemi të vendosur të përpiqemi t’i ndihmojmë ata”.
Burimi i lajmit: BBC. Përshtatur nga Tirana Today
