Për të gjithë studentët që kanë marrë dhe marrin një diplomë universitarë në Kosovë apo në Shqipëri nuk do tu duhet më që të bëjnë konvertimet. Të dy shtetet do të krijojnë një komision të përbashkët parlamentar, që pritet të krijojë lehtësira të mëdha për studentët e të dyja vendeve, si në njohjen reciproke të diplomave dhe të studimeve, ashtu edhe të shkëmbimeve të studentëve.
Në një konferencës së përbashkët për shtyp të kryetarit të Kuvendit të Kosovës, Kadri Veseli dhe kryetarit të Kuvendit të Shqipërisë, Gramoz Ruçi, i cili ndodhet në Prishtinë për një vizitë dyditore, i shoqëruar nga shefat e grupeve parlamentare shqiptare.
Ruçi: U rakorduam që të dy parlamentet të krijojnë një komitet për të zgjidhur problemet legjislative, për të lehtësuar mjaft pengesa siç janë çështja e njohjes së diplomave të studentëve në të dy vendet, lëvizja e njerëzve, lejet e qëndrimit apo edhe procedurat doganore.
Ndërsa kryetari i Kuvendit të Kosovës, Kadri Veseli, u shpreh se çështja që do të zgjidhet më me urgjencë është mes të dyja vendeve është njohja e diplomave.
Veseli: Njohja e diplomave të studentëve nga Kosova dhe Shqipëria do të bëhet në mënyrë automatike. Nga viti i ardhshëm akademik, studentët e Universitetit ‘Isa Boletini’ nga Prishtina mund të ndjekin një semestër të studimeve në Universitetin ‘Ismail Qemali’ të Vlorës dhe anasjelltas.
