Zbardhen të tjera detaje nga krimi horror që tronditi Italinë, ku çifti shqiptar nga Vlora, Shpëtim dhe Teuta Pasho, u gjetën të vrarë dhe të copëtuar brenda disa valixheve.
Ekspertët italianë kanë arritur në konkluzionin se, valixhet me trupat e bashkëshortëve Pasho, janë hedhur në pyll nga një kamionçinë e hapur. Nga kamerat e sigurisë rezulton se kjo makinë ka lëvizur në segmentin Firenze-Piza.
Mjeti reduktoi shpejtësinë në afërsi të burgut Solecciano, ku ndodhej në paraburgim djali i çiftit, Taulant Pasho. Ekspertët vune re se mjeti hodhi valixhet me trupat e copëtuar në kohë të ndryshme në zona të ndryshme.
Dyshohet se përveç shoferit të mjetit, ishin të paktën dy persona që bashkëpunuan në hedhjen e trupave. Fakti që dëshmitari kyç mbetet i biri Taulantiqë aktualisht po vuan dënimin me burg në Zvicër dhe 40 mijë eurot e zhdukura të çiftit, hetuesit kanë vendosur që të kontrollojnë automjetet që ka pasur në pronësi 5 vitet e fundit familja Pasho.
Vijojnë të ngrihen dyshime të reja për Taulantin, i cili ndryshoi mbiemrin pas zhdukjes së prindërve. Ai u martua në Shqipëri dhe ndryshoi mbiemrin nga Pasho në Çela. Pritet që Taulanti të merret në pyetje pasi ishte personi i fundit që u takua me prindërit në vitin 2015.
