Ministri për Punë të Jashtme në Maqedoni, Nikolla Dimitrov është shprehur se nuk kanë frikë nga negociatat me Greqinë.
Sipas tij, Greqia do të negociojë pa frikë dhe me besim me Maqedoninë, në përpjekje për të tejkaluar dallimet.
I pyetur nëse është afër kompromisit Maqedonia, Dimitrov tha se në një intervistë për REL se kompromisi nënkupton të mos merrni atë që më së shumti e dëshironi, kur ka lëshime të caktuara nga zgjidhja ideale për të dyja palët dhe do të thotë se brengat kryesore të Maqedonisë dhe të Greqisë të mbulohen.
Në pyetjen e gazetares për atë se sa i “dhimbshëm” do të jetë ky kompromis për Maqedoninë, Dimitrov u përgjigj: “Kur ne mendojmë për këtë pyetje, së pari duhet të mendojmë për dinjitetin tonë dhe për atë se ku duam ta shohim Maqedoninë, pesë ose 10-15 vite nga tani. Nëse ka palë plotësisht të dështuar, ajo nuk do të jetë mirë as për fituesin e as për humbësin, sepse ajo do të zhvillojë nacionalizëm të tmerrshëm. Domethënë, ne duhet të gjejmë mënyrë që të dyja palët të dalin nga ky proces me ndjenjën se e kanë mbrojtur atë që është më e rëndësishme për to”.
