Pas Alba Kokalarit, e cila mori mandatin si eurodeputete e Suedisë, një tjetër shqiptare ka marrë një post të rëndësishëm. Bëhet fjalë për 33-vjeçaren Blerta Hoti, shqiptaren nga Kosova, të cilës i është besuar drejtimi i komunës së dytë më të madhe në Suedi, Göteborg.
Lajmin e ka bërë të ditur ministri i Punëve të Jashtme të Kosovës, Behgjet Pacolli, përmes një postimi në llogarinë e tij në “Facebook”, teksa e uron për marrjen e detyrës.
“Dikur azilkërkuese në Suedi, dhe sot e emëruar në një post drejtues pikërisht në Suedi. Blerta Hoti merr timonin e komunës së dytë më të madhe në Suedi, Göteborg. Urime Blerta”, shkruan Pacolli.
