Mbrëmjen e djeshme është shkrumbuar mjeti që përdorej nga zv/kryetari i Bashkisë Peqin. Një makinë në pronësi të Bashkisë së Peqinit, e cila për momentin përdorej nga zëvendëskryetari Madrid Sula, është djegur në një rrugicë pranë shtëpisë së tij.
Mësohet se mjeti tip fuoristradë me targë AA880 DR, ishte e parkuar në një rrugicë pranë shtëpisë së Sulës në qytetin e Peqinit. Madrid Sula është edhe kryetar i degës së PS-së në Peqin.
Pistat ku po hetohen janë se makina mund të jetë djegur si pasojë e një shkëndije elektrike. Nuk përjashtohet edhe mundësia e një zjarrëvënie të qëllimshme për shkak të detyrës.
