Një farmaci është djegur me lëndë djegëse gjatë natës, në bulevardin Vlorë-Skelë në lagjen “Rinia”. Policia informon se farmacia është në pronësi të Resmina Isakaj. Kamerat e sigurisë kanë filmuar autorin i cili spërkat me lëndë djegëse, dhe më pas i vë flakën pjesës ballore të farmacisë. Burimet bëjnë me dije se nga flakët e zjarrit nuk ka të lënduar, por raportohet vetëm për dëme materiale.
Njoftimi
Më datë 03.10.2022, gjatë natës, në bulevardin “Ismail Qemali”, Vlorë, ka rënë zjarr dhe është djegur pjesërisht, një subjekt privat “Farmaci”, në administrim të shtetases R. I, ku janë shkaktuar vetëm dëme materiale. Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
