Flakët kanë përfshirë një apartament ditën e sotme, ku kanë mbetur të lënduar 2 të moshuar dhe një efektiv të zjarrfikëses.
Ngjarja ka ndodhur në lagjen nr 17 të qytetit të Durrësit. Policia dhe reparti i zjarrfikës ka vajtur menjëherë në vendngjarje.
Është mësuar se në apartament ndodheshin dy të moshuarit Gëzim dhe Mynyre Tafruci. Zjarri është pikasur nga fqinjët të cilët kanë njoftuar repartin e zjarrfikësve. Gjate ndërhyrjes ka mbetur i lënduar edhe nga një punonjësit e zjarrfikëses.
Ende nuk dihen shkaqet e rënies së zjarrit, por policia dyshon se ka qene një cigare e lënë ndezur nga i moshuari. Të dy të moshuarit janë dërguar në spital ku ndodhen jashtë rrezikut për jetën, nën kujdesin e mjekëve.
