Në Manchester Arena të shtunën në mbrëmje para një publiku të madh, boksieri shqiptar Sefer Seferi do të përballet me Tyson Fury. Fury rikthehet të boksojë pas një shkëputje të gjatë për shkak të pezullimit, ku herën e fundit që luftoi u shpall kampion bote. Mirëpo, edhe pse është dhjetë vjet më i madh se kundërshtari i tij dhe ka zhvilluar vetëm një përballje në kategorinë e peshave të rënda, Seferi beson në fitoren e tij.
“Kam respekt të madh për Tysonin, është një njeri i madh dhe është një prej boksierëve më të talentuar të shekullit 21. Duket mirë, është boksier i mirë, por unë nuk kam ardhur këtu në Mançester vetëm për pjesëmarrje, kam ardhur për fitore.
Po, mund ta nokautoj. Kam përvojë të madhe në kategorinë e peshave të mesme, por në stërvitje kam dueluar me boksierë të kategorive të rënda, prandaj besoj se e kam fuqinë e nevojshme për të mposhtur Tyson Furyn. E di se e kam fuqinë për ta mposhtur. Kur ta mposht, do t’ia jap mundësinë e rimeçit”, është shprehur boksieri shqiptar.
Ndërkohë që në deklaratën e tij, Tyson Fury është shprehur se nuk po e nënvlerëson Sefer Seferin dhe beson se shqiptari është një kundërshtar i rrezikshëm.
