Pas ngjarjes tronditëse ku mbeti i vrarë në derë të shtëpisë, 32-vjeçari nga Dibra, policia ka mundur të arrestojë personin, i cili mendohet se është autori i kësaj vrasjeje.
Policia bën me dije se në pranga ka rënë shtetasi, M.G, banues në Shupenzë. Mendohet se ngjarja ka ndodhur për motiveve të dobëta, por nuk jepen detaje të tjera. Viktima u qëllua me tre plumba në kraharor pranë shtëpisë së tij.
Njoftimi i policisë
Maqellarë- Dibër Arrestohet autori i dyshuar i vrasjes së ndodhur gjatë orëve të mëngjesit të datës 20.03.2018, në Maqellarë, ku u vra me armë zjarri shtetasi E.K.
Në vijim të informacionit paraprak, ku është vrarë me armë zjarri, në oborrin e banesës së tij në Maqëllarë shtetasi E.K, rreth 32 vjeç, pas një pune intensive nga Strukturat e Drejtorisë Vendore të Policisë Dibër, në bashkëpunim me Prokurorinë e Rrethit Gjyqësor Dibër, u bë arrestimi në flagrancë i autorit të dyshuar të vrasjes, shtetasi : M.G, banues në njësinë administrative Shupenzë.
Paraprakisht dyshohet se shkaku është për konflikte për motive të dobëta. Për shkak të hetimeve nuk bëjmë me dije të dhëna të tjera dhe rrethana të ngjarjes.
