Të gjithë kryefamiljarët e fshatit Arras në Dibër do të procedohen penalisht! Vendimi është marrë për shkak të një proteste, ku 20 kryefamiljarë të këtij fshati kanë tentuar të pengojnë punimet për ndërtimin e hidrocentralit “Seta 4”.
Kallëzimi në Policinë e Dibrës është bërë nga përfaqësuesit ligjorë të firmës, të cilët pretendojnë se banorët kanë ndërmarrë veprime të paligjshme duke kërcënuar fizikisht dhe psikologjikisht drejtuesit dhe specialistët e subjektit privat.
