Presidenti i Republikës së Kosovës, Hashim Thaçi, ka realizuar sot një bisedë telefonike me Ambasadorin Richard Grenell. Ky i fundit u emërua ditën e djeshme nga presidenti i SHBA-vë, Donald Trump, për negociatat paqësore mes Kosovës dhe Serbisë.
Thaçi ka mirëpritur emërimin e ambasadorit Grenell si i dërguar special për bisedimet Kosovë-Serbi, si dhe rolin e shtuar të Shteteve të Bashkuara të Amerikës në këtë proces.
“Emërimi juaj shton konfidencën dhe besimin tonë në këtë proces dhe në mundësinë për të arritur një marrëveshje të paqes, përfundimtare, me Serbinë”, është shprehur presidenti Thaçi në këtë bisedë telefonike.
Sipas Thaçit, ky është konfirmim i përkushtimit personal të Trump që të arrihet një marrëveshje e paqes në mes të Kosovës dhe Serbisë.
