Bisedimet Shqipëri-Greqi, Bushati: Mos politizohet çështja, statusi i varrezave sipas ligjit
Ministri i Jashtëm Ditmir Bushati është thirrur sot në një seancë dëgjimore në Komisionin e Jashtëm, për të raportuar mbi ecurinë e bisedimeve me Greqinë, si dhe takimin me Kotzias.
Gjatë fjalës së tij, ministri tha se kjo çështje nuk duhet të politizohet dhe se çështja e gërmimit për gjetjen e varrezave greke është sipas pikëpamjes ligjore.
Pjesë nga deklarata e Bushatit
Nuk ka asgjë sekrete, por më parë duhet të thoni nëse ka interes apo jo. Me dyer të mbyllura kam diskutuar në komisionin e politikës së jashtme. Unë jam gati që të flas për çdo çështje, por më parë duhet që të sigurohemi që të mos nxjerrin informacion të klasifikuar.
Vura re që ka një mungesë qartësie për dialogun me fqinjin tonë. Shqipëria nuk është prishur nga negociata me Greqinë, jemi ulur në bisedime për të listuar të gjitha çështjet që për ne konsiderohen të hapura de kërkojnë një zgjidhje. Nuk ka filluar në Kretë dhe nuk ka mbaruar në Korçë. Ky proces ka filluar në fundin e 2013-s dhe do të vazhdojë përsëri. Statusi i varrezave po bëhet sipas pikëpamjes ligjore.
