Një 46-vjeçar nga Vlora është kapur nga ana e policisë, pasi ishte shpallur në kërkim, pas vrasjes së gruas në vitin 2009. Shtetasi Maksim Hodaj, në datën 4 qershor të vitit 2009, në fshatin Armen, ka qëlluar dhe ka lënë të vdekur në vend bashkëshorten, Irena Hodaj. Krimi i rëndë në familje është shënuar rreth orës 03:00 të mëngjesit, kur 41-vjeçari, i cili punonte prej kohësh si shofer furgoni, u kthye në shtëpi në gjendje të dehur.
46-vjeçari, pasi e ka dhunuar të ndjerën, e ka goditur me mjete të forta në pjesë të ndryshme të trupit. Ndërkohë që përplasja në një prej mureve të shtëpisë, mendohet të ketë qenë fatale për 36-vjeçaren Irena Hodaj, e cila menjëherë pas kësaj ka gjetur vdekjen.
Në momentin e ngjarjes, në banesë kanë qenë tre fëmijët e çiftit Hodaj, mes të cilëve një vajzë dhe një djalë 12 e 13-vjeç, dhe një foshnjë 8-muajshe. Ai është dënuar me 18 vite burg, nga të cilat do të kryejë pjesën e mbetur të dënimit prej 9 vite, 2 muaj e 26 ditë burg.
