Pas një sërë apelesh për të kapur bashkëjetuesin që i mori jetën Marigona Osmanit, policia ka mundur që ta vërë në pranga 29-vjeçarin. I dyshuari për vrasjen e 18-vjeçares në Ferizaj është arrestuar në një fshat në afërsi të Ferizajt. Këtë e bën me dije Policia e Kosovës, gjatë protestës që po mbahej në Ferizaj.
“Para 2-3 minuta e kam marrë konfirmimin se rreth 5 minuta para është arrestuar i dyshuari Dardan Krivaqa, në rrethinë të Ferizajt.
Njësitet policore janë duke e sjellur të dyshuarin në objektin e policisë”, ka bërë me dije major Mehmet Hajdini.
Arrestimin e Dardan Krivaqës e konfirmoi edhe Prokuroria Themelore në Ferizaj.
“Prokuroria Themelore në Ferizaj, njofton opinionin publik se lidhur me rastin e vdekjes së 18 vjeçares në Ferizaj, sot rreth orës 12 e 05 minuta, është arrestuar edhe personi i dytë i dyshuar (D,) në kohëzgjatje prej 48 orësh, për shkak të dyshimit se i njëjti në bashkëkryerje ka kryer veprën penale ‘Vrasje e rëndë’ të Kodit Penal të Republikës së Kosovës (KPRK)”, thuhet në deklaratën për media.
