Një moshuar është dhunuar mbrëmjen e djeshme nga një person i paidentifikuar në fshatin Palokaster, Gjirokastër.
Dhunuesi ka hyrë në banesë duke e rrahur të moshuarën Pina Qato, 75 vjeçe në shtratin ku flinte, ndërsa i ka shkaktuar fraktura në trup dhe në fytyrë.
Sipas rrëfimit të te moshuarës ajo ka konflikte me dy familje po nga i njëjti fshat të cilët i kanë vrarë bashkëshortin para 3 vitesh. E moshuara dyshon tek këta të fundit.
“U hap dera para dhe thashë mos është vajza. Vajzën e pashë ishte në vendin e saj dhe u shtriva. Sa u shtriva unë ai erdhi brenda dhe më goditi me grushta. Pastaj më zuti me shqelm. I thashë mos më vra se kam vajzën këtu dhe do më trembet. Më bëri këhstu dhe iku. Nuk ka vjedhur asgjë ë shtëpi. Vetëm mua më sulmoi. Ne kemi hasmëri, më ka vrarë bashkëshortin”, shprehet e moshuara.
