Pas denoncimit të ish-kreut të LSI-së Ilir Meta se në fshatin Rraboshtë të Lezhës është ushtruar dhunë ndaj simpatizantëve të kësaj partie, Policia e Lezhës raportoi ngjarjen e ndodhur mbrëmjen e së premtes.
Në njoftimin zyrtar bëhet e ditur se, mbrëmë rreth orës 21:00, tre persona të maskuar kanë dhunuar kryeplakun e fshatit Raboshtë, Gjovalin Gjini, duke e goditur atë me sende të forta. Autorët janë larguar në drejtim të paditur dhe policia po punon për kapjen e tyre, ndërsa i dhunuari gjendet jashtë rrezikut për jetën.
Pak më parë, Meta njoftoi dhe dënoi rastin, ku dhe lajmëroi se do të udhëtonte drejt Lezhës për tu njohur më nga afër me situatën në fshatin Rraboshtë.
