Qyteti i Stockholmit është pushtuar nga skena të tmerrshme dhune në orët e para të kësaj të hëne. E gjitha ka ndodhur pas një ndeshje futbolli, ku situata kaloi çdo parashikim të mundshëm nga policia për përplasje tifozësh dhe kjo gjë ekspozoi planin e dobët të policisë suedeze, jo shumë e përgatitur në këtë rast.
Tre persona u dërguan me plagë serioze në spital, ndërsa shumë të tjerë u arrestuan nga forcat e rendit, pas grindjeve në zonën e qytetit të vjetër.
Rivalët e hershëm të futbollit suedez, Hammarby dhe Djurgarden u përballën mes tyre në “Tele2 Arena”, aty ku pati fillimisht përplasje në stadium, që vazhduan edhe jashtë impiantit.
Dy persona u arrestuan për agresion, po kaq për ndezje të fishekzjarrëve në zona publike dhe një tjetër u ndalua për agresion ndaj policisë.
Incidente të ngjashme u regjistruan edhe fundjavën e kaluar në futbollin suedez, sërish në Stockholm, pas një ndeshjeje mes AIK Solnës dhe Goteborgut, që regjistroi 6 të plagosur.
