Kreu i Kuvendit të Maqedonisë, Talat Xhaferi ka dorëzuar në komisionin e mandateve, kërkesën e Gjykatës Penale dhe ka dhënë aprovimin për paraburgimin e 6 deputetëve.
“Në përputhje me nenin 53, paragrafi 5 i Rregullores së Kuvendit të Republikës së Maqedonisë, kryetari i Kuvendit të Republikës së Maqedonisë, Talat Xhaferi i dorëzoi te Komisioni për çështje të Rregullores, Mandatit dhe Imunitetit kërkesat për aprovimin e paraburgimit të deputetëve Krsto Mukoski, Ljuben Arnaudov, Johan Tarçullovski, Sasho Vasilevski, Ljupço Dimovski dhe Zhaklina Peshevska, të parashtruara nga Gjykata Themelore Seksioni për krim të organizuar dhe korrupsion IV KOK.PP. nr.384/17 prej më 28.11.2017”-thuhet nga ana e Kuvendit të Maqedonisë, transmeton Alsat.
Senaca e Komisionit të Mandateve do të mblidhet ditën e nesërme duke nisur nga ora 12:00. Gjykata ka caktuar masën e sigurisë 30 ditë paraburgim për 13 të akuzuarit për veprën “Cenim terrorist dhe prishje të rendit kushtetues”, pas dhunës së 27 prillit në Kuvendin e Maqedonisë.
Sakaq, për gjashtë persona të tjerë gjykata ka caktuar masën e sigurisë “arrest shtëpie”.
