Ndonëse sot është një ditë pushimi për administratën, studentët nga ana tjetër do të çojnë deri në fund misionin e tyre. Sikundër është njoftuar edhe me parrulla edhe më herët, para tubimit masiv të martën ata do të protestojnë edhe sot.
Grumbullimi i studentëve të Tiranës nis si gjithmonë nga sheshi “Nënë Tereza”, nga ora 08:30, deri në 09:30.
Më pas do të vazhdojë marshimi drejt Ministrisë së Arsimit, duke ndjekur rrugën e zonës së Bllokut.
Studentët e Universiteteve në rrethe ftohen të bashkohen në orën 10:00 para MAS, ku nis dhe zyrtarisht protesta.
“Jo negociata, vetëm plotësim të kushteve! Dhjetori i dytë vazhdon”, thuhet në njoftimin e Bashkimit Kombëtar Studentor, të shpërndarë të dielën.
Ndryshe nga ditët e tjera, veç pankartave, studentët janë ftuar të marrin dhe nga një libër me vete.
Nga ana tjetër, Rama ka ftuar në dialog studentët në orën 11:00, live në rrjetin social Facebook.
