Problemet nuk kanë të sosur në klubin e Tiranës. Skuadra më e titulluar ne futbollin shqiptar pasi përjetojë disfatën më të rëndë ku një vit më parë zbriti në Kategorinë e Parë, sot merr një tjetër lajm negativ.
Bardhëeblutë pasi morën pjesën në turin e parë eliminatorë në kompeticionin Europa League, si bonus do të përfitonin 215 mijë eurot.
Por kjo shumë financiare nuk do të akordohet nga institucioni i UEFA-s, me arsyetimin se ka parregullsi në licencimin e klubit prej detyrimeve në tatime që ka klubi, në vitet e kaluara. Drejtuesit e klubit, kanë vendosur për ta ankimuar në CAS këtë vendim të UEFA-s, me pretendimin se nuk ka parregullsi, dhe se duhet t’i përfitojë atë shumë të konsiderueshme financiare.
