Një 59-vjeçar është vrarë me mjete të forta në Librazhd. Ngjarja ka ndodhur në Orenjë, ndërsa viktima është identifikuar si Idriz Bica, 59 vjeç.
Autori është identifikuar si Fiqiri Askurti, i dyshuar si i sëmurë mendor. Ky i fundit është larguar nga vendi i ngjarjes, ndërsa policia po punon për kapjen e tij.
Informacioni nga policia
Më datë 25.01.2018 në sallën operative Librazhd ka ardhur një telefonatë se në fshatin Zdrajç një shtetas është vrarë me sende të forta (sopatë).
Shërbimet e policisë menjëherë kanë shkuar në vendngjarje dhe nga veprimet e para hetimore konstatuan se;
Në fshatin Zdrajç Librazhd shtetasi Idriz Byci rreth 50 vjeç, i cili kishte qenë duke pastruar rrugën në këtë fshat dyshohet të jetë vrarë me sende të forta (sopatë) nga shtetasi F. A., rreth 50 vjeç që dyshohet të jetë i sëmurë mendor.
Policia po punon për sqarimin e plotë të rrethanave të ngjarjes dhe kapjen e autorit
