Me fokus për të diskutuar aksionin opozitar në ditët në vijim, sot gjatë mesditës PD mblodhi grupin parlamentar. Në mbledhjen me dyer të mbyllura, mësohet se Basha iu ka kërkuar deputetëve të bëhen gati, pasi dita e përballjes me qeverinë mund të jetë më e shpejtë.
Sipas tij, vendi është në kolaps total, dhe se PD do vazhdojë betejën për dekriminalizimin e zgjedhjeve.
“Vendi është në kolaps total. PD do vazhdojë betejën për dekriminalizimin e zgjedhjeve. Ne do përgatitemi intensivisht për zgjedhje, dhe do i fitojmë ato.
Duhet të bëhemi gati, dita e përballjes me qeverinë mund të jetë më e shpejtë seç e mendojmë. Skandale të tjera do të dalin. Minimumi 15 mandate nga PS janë të palegjitimuara, prandaj qëndrimi ynë me Parlamentin do të mbetet i njëjtë”, ka deklaruar Basha.
