Katër shqiptarë janë vënë në pranga, pasi posedonin një parcelë me kanabis. Policia greke është shokuar kur ka parë parcelën me 915 fidanë kanabis, në zonën Burnazi, madje mes ndërtesave dhe zonës plot me bare.
Pronarët e parcelës janë 4 shqiptarë, dy 35-vjeçarë, një 37 dhe një tjetër 39 vjeç, të cilët u arrestuan gjatë operacionit.
Shqiptarët në fjalë, identiteti i të cilëve nuk bëhet me dije për shkaqe hetimi, kishin krijuar një laborator të plotë, me pajisje moderne dhe çdo aparaturë prodhimi dhe përpunimi, ndërsa ishin gati të nxirrnin në treg prodhimin e fundit, me një fitim rreth 1/2 milion euro.
Gjithsej, policia greke sekuestroi 915 fidanë ujorë kanabis 10 cm-70 cm; 2 kg e 580 gr kanabis bimore; laborator me të gjitha pajisjet për mbjelljen, prodhimin, përpunimin e drogës; 4 celularë.
