Policia ka bërë të mundur identifikimin e autorit të dyshuar të vrasjes së 69-vjeçarit në bjeshkën e Doberdolit, Tropojë. Me anë të një deklarate për mediat, uniformat blu kanë zbardhur detajet në lidhje me ngjarjen e rëndë që ka ndodhur pasditen e djeshme, ku u gjet i vrarë me armë zjarri shtetasi me inicialet T.B, 69 vjeç.
“Falë veprimeve të shpejta dhe profesionale, si dhe hetimeve intensive nga grupi hetimor, u bë i mundur identifikimi i autorit të dyshuar, shtetasi N.L, 54-vjeç, banues në Tiranë.
Shtetasi N.L., dyshohet se më datë 18.09.2018, për motive të dobëta dyshohet se ka vrarë me armë zjarri në banesën e tij, në bjeshkën e Doberdolit, Tropojë Fshat, shtetasin T.B., 69-vjeç, banues në Tiranë”.
Po kështu policia raporton se nga ana e tyre, vijon puna për kapjen e autorit të dyshuar të kësaj ngjarje.
