Zbulohen të tjera detaje lidhur me ngjarjen e rëndë që ndodhi sot në Vlorë, ku shpërtheu një automjeti tip Jeep, të cilit i kishin vënë tritol.
Objektivi ka qenë drejtuesi i mjetit, 25-vjeçari Ines Hajrulla, i cili ndodhet në gjendje të rëndë shëndetësore, ndërsa mjekët po mundohen ta mbajnë në jetë.
I riu është djali i një biznesmeni të njohur në Vlorë, pronar i një lokali të frekuentuar në qytetin bregdetar.
Sipas policisë, Hajrulla është person me precedentë të theksuar kriminalë.
Mjeti me targa AA 298 CL shpërtheu sot në lagjen “Hajro Çakërri”, tek zona e njohur si “Bishti i Kalldrëmit” gjatë ecjes, ndërsa dyshohet se i janë vënë 300-400 gram tritol.
