Pas shqetësimeve të shfaqura me shëndetin, Emiljano Shullazi la qelinë në burgun 313 në Tiranë, për tu shtruar në një spital privat. Ai ka qëndruar 24 orë i shtruar në spital, ndërkohë që mësohet se pagesat në spitalin privat janë paguar nga familjarët e tij.
Transporti i Shullazit në spitalin privat, mësohet se është bërë në masa të forta sigurie.
Kjo është hera e dytë që Emiljano Shullazi lë qelinë për tu shtruar në një spital privat. Më herët ai iu nënshtrua një operacioni po në një spital privat, në kohën kur ndodhej në masë sigurime “arrest me burg”.
