Dalin detaje të reja lidhur me ngjarjen e rëndë në Korçë, ku një 50-vjeçar mbyti nënën e tij.
Nazim Demollari ka mbytur nënën e tij me duar pas një konflikti me të, e më pas ka pritur derisa ka ardhur policia pranë trupit të viktimës, e cila kishte të njëjtin emër si i biri, Nazime Demollari.
Mësohet se shkak për krimin e rëndë është bërë sjellja e të birit, i cili ishte një përdorues i rregullt i alkoolit. Pas një konflikti, ai ka mbytur nënën e më pas ka qëndruar pranë trupit të 80-vjeçares, derisa ka mbërritur policia.
Edhe fqinjët e familjes Demollari kanë treguar se ishin në dijeni të problemeve të vazhdueshme mes tyre. Nazim Demollari ishte divorcuar nga gruaja dhe jetonte me të ëmën, ndërsa mësohet se ishte i papunë.
Aktualisht autori është shoqëruar nga policia por ende nuk është marrë në pyetje pasi ndodhet në gjendje shoku.
