Detaje të reja kanë dalë nga ngjarja e rëndë që ndodhi në mesnatë, ku gjimnazistja Blerta Pepa ndërroi jetë gjatë një operacioni në një spital privat në kryeqytet.
Por, kush ishte Blerta Pepa? 15-vjeçarja ishte gjimnaziste në shkollën “Andon Zako Çajupi” dhe ishte e njohur për vokalin e saj. Blerta ka marrë pjesë në spektaklin “Gjeniu i vogël”, ku spikati me zërin e saj.
Si ndodhi incidenti?
Blerta Pepa ka pësuar një incident gjatë orës së fizkulturës, ku ka këputur ligamentin e këmbës. Pas kësaj, prindërit e kanë dërguar vajzën me urgjencë në spital, pasi kishte dhimbje të forta.
Mësohet se operacionin për meniskun e këmbës e kanë kryer dy mjekë të huaj në spitalin privat, por teksa prisnin që 15-vjeçares t’i dalë anestezia, ajo ka pasur komplikacione të brendshme, duke kaluar në gjendje të rëndë dhe më pas ka ndërruar jetë.
Pas kësaj, një nga mjekët që e operoi ka tentuar të vetëvritet dhe ndodhet në gjendje të rëndë për jetën.
Dyshohet se vajzës i është injektuar më shumë anestezi seç ishte norma, ndërsa policia po heton për zbardhjen e ngjarjes.
