Detaje të reja janë publikuar lidhur me gomonen me drogë, të kapur nga policia greke një ditë më parë.
Gomonia 12 metra e gjatë e nisur nga Himara mësohet se ishte e ngarkuar me drogë, e cila sipas medieve greke, i kalon 2 tonë.
Emrat e trafikantëve të arrestuar nuk dihen ende, por mësohet se policia greke ka hapur zjarr ndaj tyre, duke lënë të plagosur njërin prej gjashtë trafikantëve të arrestuar, 4 shqiptarë dhe 2 italianë.
Sipas policisë greke, ajo kishte informacione mbi këtë grup kriminal me itinerar Shqipëri-Greqi-Itali.
Gomonia u pikas nga policia greke teksa kalonte pranë ishullit të Korfuzit, dhe më pas ka nisur ndjekja deri në brigjet e ishullit Tzia në Athinë. Në ishullin Tzia, gomonia është qëlluar me snajper nga policia që i ndiqte me helikopter, ndërsa herë pas herë ka pasur shkëmbim zjarri me trafikantët.
