Një ditë pas ekzekutimit të ish-shefit të Krimeve të Tiranës, Ervin Dalipaj dhe mikut të tij Xhino Dauti, kanë dalë detaje të reja nga hetimet.
Brenda automjetit Audi S8, me të cilin udhëtonin viktimat, policia ka gjetur 5.000 euro në një portofol dhe një pistoletë në brez, ndërsa Dautit i janë gjetur 2.000 euro në portofol.
Nuk dihet nëse Dalipaj e ka përdorur armën që kishte në brez.
Ndërkohë, policia ka shoqëruar 18 persona me qëllim zbardhjen dhe zbulimin e plotë të ngjarjes, si dhe ka sekuestruar në cilësinë e provave materiale:
- 32 copë gëzhoja, model 56, kalibër 7.62 mm;
- një predhë bërthame;
- në pjesën e brendshme të automjetit Audi S8 u gjetën një armë zjarri pistoletë model 54, 15 fishekë, disa aparate telefoni celularë të markave të ndryshme, si dhe një sasi prerje në valutë të huaja (euro).
