Mbrëmjen e sotme, policia raportoi për kapjen e një sasie droge në Portin e Durrësit. Lënda narkotike është zbuluar gjatë kontrollit të udhëtarëve dhe mjeteve që do të imbarkoheshin në traget.
Droga e cila deklarohet të jetë heroinë dhe kokainë, kishte si destinacion Italinë.
Burimet sqarojnë se droga iu gjet e fshehur në trup një personi, që është arrestuar në flagrancë nga policia për ‘trafik narkotikësh’.
Nuk dihet ende sasia e drogës së sekuestruar.
