Personi që hapi zjarr dje gjatë meshës në Teksas duke vrarë të paktën 26 persona, përfshirë një 2-vjeçare, është identifikuar si një 26-vjeçar, mësues i studimit biblik që u shkarkua nga Forcat Ajrore Amerikane pasi kishte sulmuar gruan dhe fëmijën e tij.
Devin Patrick Kelley, një baba i martuar, hyri në kishën e Parë Baptiste të Sutherland Springs, i veshur me të zeza, dhe filloi të shtënat me armën e tij.
Sulmi ndaloi vetëm kur Kelley nga periferia e San Antonios u qëllua me armë teksa po linte kishën. Më pas, ai u vra pas një ndjekjeje të makinës që drejtonte me shpejtësi të madhe, në tentativë për t’u larguar.
Komisioneri i Qarkut Wilson, Albert Gamez tha për CNN se të paktën 26 vetë u vranë nga të shtënat, por numri i të vdekurve pritet të rritet. Viktimat përfshijnë një vajzë dyvjeçare, një grua shtatzënë dhe vajzën 14-vjeçare të pastorit.
Kelley ishte veteran i Forcave Ajrore të SHBA-së dhe ish-mësues i studimeve biblike, por faqja e tij në Facebook, e cila është fshirë nga FBI, zbulon se ai kishte një magjepsje me armatimet.
26-vjeçari ishte martuar me Danielle Shields dhe kanë një fëmijë së bashku. Ajo ishte më parë një mësuese në Kishën e Parë Baptiste. E vjehrra, Michelle Shields gjithashtu duket se ka qenë famullitare në kishë dhe ishte shoqe në mediat sociale me gruan e pastorit.
Ish shokët e klasës e përshkruan atë si të “mërzitur”dhe “të çmendur”, i cili kohët e fundit kishte filluar të predikonte rreth ateizmit dhe luftimeve në mediat sociale. Megjithatë, ai kishte një rekord relativisht të pastër kriminal, me vetëm një shkelje të trafikut në vitet e fundit.
Disa nga viktimat e sulmit:
