Një aksident me pasojë katër persona të plagosur raportohet të ketë ndodhur në aksin Milot-Mamurras.
Burimet paraprake raportojnë se aksidenti, fatmirësisht pa pasoja për jetën ka ndodhur afër mbikalimit të Patokut.
Ende nuk dihet shkaku i aksidentit dhe emrat e të plagosurve, të cilët janë dërguar menjëherë drejt spitalit.
Sakaq, policia ka mbërritur menjëherë në vendngjarje dhe ka hapur hetimet për zbardhjen e plotë të saj.
