Update/Porkuroria e Durrësit ka reaguar për herë të parë pas grabitjes së ndodhur gjatë natës. Me anë të një njoftimi prokuroria deklaorn se janë konstatuar ndërhyrje nga perosna ende të paidendifikuar.
Njoftimi
Me date 24.05.2018 ne oren 06:30 eshte konstatuar nga ana e punonjesve te prokurorise se ne ambientet e prokurorise kishte nderhyrje nga persona te paidentifikuar, te cilet me sende te forta kane hapur deren e Zyres se Serverit ku eshte konstatuar se jane demtuar dhe marre pajisje elektronike qe rregjistrojne kamerat e sigurise, etj. Po keshtu eshte konstatuar se keto persona kane hapur me force edhe zyren e nje prokurori dhe nje zyre tjeter te ofocereve te policise gjyqesor. Ngjarja ka ndodhur gjate oreve te vona te nates kur Godina e Prokurorise ruhej nga punonjesit e Policise Private, ShPSRF.
Lidhur me rastin eshte regjistruar procedimi penal per nenet 293/c/2 dhe 313/a dhe 333/a dhe 334 i Kodit Penal dhe po kryhen veprime ne menyre intensive nga grupi hetimor ne lidhje me percaktimin e faktit dhe identifikimin e autoreve te vepres.
Grabitet gjatë natës Prokuroria e Durrësit, merren dosjet hetimore
Sulmohet për herë të dytë organi i akuzës në Durrës. Natën që lamë pas, persona ende të paidentifikuar janë futur në Prokurorinë e Rrethit Gjyqësor Durrës, që ndodhet në katet e fundit të godinës që e ndan me Gjykatën. Mësohet se autorët kanë vjedhur dokumenta në zyrat e prokurorisë.
Autorët kanë thyer dyert e zyrave të Prokurorisë dhe kanë hyrë me forcë. Në këto zyra u evidentua mungesa e disa dokumenteve hetimore, ndërsa nuk bëhet me dije se çfarë përmbanin ato konkretisht.
Vjedhja u konstatua mëngjesin e sotëm nga pastruesja, e cila më pas njoftoi autoritetet. Në vendngjarje kanë shkuar edhe forcat e policisë, të cilat kanë nisur hetimin për të identifikuar dhe arrestuar personat që hynë me dhunë në ambientet e Prokurorisë së Durrësit.
Janë ende të paqarta rrethanat e kësaj vjedhjeje dhe natyra apo sasia e dokumentave dhe dosjeve hetimore të vjedhura.
Më 8 maj u grabit edhe korrespondenca e prokurorisë, përmes sulmit në mes të ditës të korrierit që sapo e kishte tërhequr atë nga filiali kryesor i postës.
